Cabugao, Ilocos Sur –Imbatad ni Mr. Warren Sumibcay, Mobile Teacher ti Alternative Learning System (ALS), Community Center, Brgy. Bonifacio, Cabugao, Ilocos Sur nga adda napintas a bilang ti Out-of-School-Youth (OSY) a nakapasa iti eksamen ti naggraduar nga ALS Learners itay napalabas nga School Year 2017-2018 ken kasta metten dagiti agenrol iti ALS Equivalency Program ti DepED Cabugao District iti para iti CY 2018-2019.
Sakbayna, naipakaammo iti panagpaheristro dagiti maseknan nga agtutubo iti amin a barangay ti ili ken kasta metten a naiyendorso kadagiti Opisiales ti Barangay a mangberipikar kadagiti non-schooler/drop-outs tapno maibaonda nga agadal iti ALS ita a Tawen 2018-2019.
Kabayatanna, nanayonan ti mangisuro iti ALS-Cabugao babaen ken ni Mr. Gilbert Seguritan nga agindeg iti Barangay Bonifacio, Cabugao, Ilocos Sur.
Babaen iti agtultuloy a pannakaitandudo ti ALS Program ken iti adun a napagturpos ti DepED nanipud nangrugi idi Tawen 2004 ken agingga ita a Tawen 2018 ket nasaknapen a dumur-as daytoy a programa ti Edukasion iti ili a Cabugao, Ilocos Sur.
Insupusop ni Mr. Sumibcay a babaen iti itutulong pay dagiti nagannak ken agad-adal a kaduana a mangisaknap ti napintas a damag ket in-inut a makombinsir ti amin nga umili a di nagturpos iti elementaria ken high school a makipaset kadaytoy a napateg a programa tapno matun-oyan ti naan-anay a literacy rate kadagiti amin a barangay ken umili. # (Web In-Action)
No comments:
Post a Comment