Cabugao, Ilocos Sur – Naaramid ti Skills Upgrading Training on Meat Processing iti 22 a kameng ti Rural Improvement Club (RIC) ken 4 Ps Beneficiaries a naggapu iti Barangay Pila ken Barangay Sagayaden ket naangay iti Sagayaden Elementary School, Barangay Sagayaden, Ilocos Sur itay nabiit.
Nagatendar ni Mayor Josh Edward S. Cobangbang. Kimmablaaw ken nagyaman ni Mayor Josh Edward ta maipakpakita iti naregget nga inisiatiba dagiti kababaihan tapno manayonan iti masapulanda. Innayon ti Ama ti Ili a kasapulan a padakkelenda ti puonan a naited kadakuada ken mantenerenda dagiti ramit a naited kadakuada tapno manayon iti usarda. Iti kasta, manaynayonan pay dagitoy babaen iti naregget a programa ti Gobierno Lokal pakaseknan iti nayon a panguartaan ken pagsapulan dagiti umili.
Ti nadakamat a Training on Meat Processing ket nagbuligan a programa ti Department of Trade and Industry (DTI) ken ti LGU-Cabugao nga idauluan ni Mayor Josh Edward S. Cobangbang a mangted iti livelihood training assistance kadagiti Beneficiaries.
Naaramid ti panagsanay dagiti Trainees babaen iti panangtimon iti Coordinator ti LGU-Cabugao nga isu ni Mr. Edgar S. Balangatan ken nagpaay met a Resource Person dagiti Mannursuro iti University of Northern Philippines (UNP). # (Web In-Action)
No comments:
Post a Comment