NAPINTAS A DAMAG NO MAIDUR-AS TI AY-AYAM A BADMINTON

Cabugao, Ilocos Sur – Segun kadagiti umaayam iti Badminton ket  adu ti pagsayaatan a maalada kadaytoy a lumatlatak nga sport a kas iti pannakaidur-as ti
physical ken mental fitness. Patibkerenna dagiti tultulang ken selula ti bagi. Epektibo pay a panglaban iti stress a kabusor iti salun-at ti tao.

Ditoy ili a Cabugao, naammuan a nagleppas ti 19 nga aldaw a panagsanay dagiti kameng ti Cabugao Badminton Club. Inawatda ti  Certificate of Completion  ti panangleppasda ti Cabugao Badminton Club Summer Clinic
(Beginners, Intermediate and Advance)  idi Mayo 1  agingga iti Hunio 2, 2018  idiay Cabugao Evacuation Center, Barangay Bonifacio, Cabugao, Ilocos Sur.

Pinagyamanan dagiti nagsanay da Mayor Josh Edward S. Cobangbang; Vice Mayor DJ Savellano  kasta metten ni SBM Atty.  Bryan Jett S. Pano  a nangtarabay  kadaytoy a panagsanay. # (Web In-Action)