Cabugao, Ilocos Sur – Nakasagana ken agtigtignay latta ti puersa ti Municipal Disaster Risk Reduction Management Council (MDRRMC)-LGU Cabugao, Ilocos Sur kasta metten dagiti Cabugao Rescuers babaen iti panangiya ni LDRRM Officer Engr. Nestor B. Somera apaman a maammuanda ken mamonitorda iti didigra wenno kalamidad.
Malaksid iti panagmonitor ti MDRRMC iti National Highway, mapanda pay kadagiti calamity prone area (inland ken coastal) tapno obserbaranda iti epekto iti pumigpigsa a tudo ken angin.
Daytoy a panagsagana ket naibasar iti nangato a level ti koordinasion ti MDRRMC kadagiti kabinuligna nga Opisina ken Ahensia ti Gobierno nangruna no adda nakaro a tudtudo, layus, uram, aksidente ti lugan ken kanaigna a didigra a mapasamak iti lokalidad.
Dagitoy nga aksion ken inisiatiba ket maigapu iti napartak a panangipatungpal ti pagrebbenganda iti MDRRMC-Cabugao nga idauluan ni Mayor Josh Edward S. Cobangbang, MDRRMC Chairperson nga agibagnos iti panawen ti napigsa a tudtudo wenno layus tapno maprotektaran dagiti umili iti epekto ti kalamidad. # (Web Situational Report)
No comments:
Post a Comment