Cabugao, Ilocos Sur – Naaramid ti pannakairubuat ti Brigada Eskwela 2018 ditoy Cabugao South Central School babaen iti naaramid a Motorcade itay nabiit kadagiti processional route ti ili ken iti National Highway a nangrugi iti Cabugao South Central School ken nagsubli met laeng ditoy dagiti nagpartisipar a nagatendaranda iti programa. Nakikaysa dagiti Opisiales ti Ili ken Munisipio nga indauluan ni Mayor Josh Edward S. Cobangbang.
Kanaig daytoy, naiwayat met ti School-Based Brigada Eskwela 2018 iti 25 pay a pagadalan ti Cabugao DepED District.
Nakitinnulong met dagiti Mangisursuro; pannakabagi ti nadumaduma nga Ahensia, Multisectoral a grupo ken kangrunaan iti LGU-Cabugao, Opisiales ti Barangay kadagiti nagannak a nakipaset iti nasao nga aktibidad kadagiti nadakamat a pagadalan.
Ti Brigada Eskwela ket tinawen a maang-angay a programa ti DepED a pakikammayetanna kadagiti maseknan a katinnulongda iti benneg ti Edukasion tapno naan-anay iti pannakaisagana dagiti pageskuelaan para iti panagseserrek ti klase dagiti ubbing. # (Web In-Action)
No comments:
Post a Comment