Cabugao, Ilocos Sur – Iti pannakiuman ti Web In-Action, impakaammo dagiti Staff ti Opisina ti Municipal Operations Office (MOO) ti 4 Ps Program, Municipal Link-Cabugao nga itultuloyda nga isaksaknap ti pakabuklan ti programa ti 4 Ps iti pagnaedan dagiti kameng kadagiti barangay ti Munisipalidad ti Cabugao ita a Hunio 2018.
Itatta a Hunio 2018, ti Topiko a maiyadal ket maadaw iti pakabuklan dagiti Protective Services and Poverty Reduction Programs nga itden ti Department of Social Welfare and Development (DSWD) kadagiti kapartnerna nga LGUs.
Kangrunaan a mapan agiyadal ket da Ms. Rosemarie Pespes ken ni Mr. Kennedy Cortes manipud iti Municipal Link-Cabugao, Ilocos Sur
Kabayatanna, makiko-koordinarda latta kadagiti Opisiales ti Barangay/Parent Leaders a katinnulongda a mangpatibker ti organisasion dagiti 4 Ps para iti dayta a bulan.
Iti manon a bulan a pannakaangay ti Family Development Session (FDS) kadagiti barangay ket nasursuro dagiti Parent-Leaders ti tumakder iti bukodda a panangtarawidwid iti miting ken seminar iti masakupanda.
Dagitoy nga aksion ken inisiatiba ket katinnulong iti agtultuloy a panangtarabay kadakuada ti Gobierno Munisipal iti panangidaulo ni Mayor Josh Edward S. Cobangbang iti pannakikammayetna iti Ahensia ti DSWD iti napintas a maaramidan dagiti programa a maisaksaknap kadagiti barangay tapno maragpat iti sapasap a panagrang-ay iti Pamilia ken umili. # (Web In-Action)
No comments:
Post a Comment