COASTAL CLEAN-UP, INGGANNUAT DAGITI AGTUTUBO ITI ILI TI CABUGAO

Cabugao, Ilocos Sur – Naiwayat  ti Coastal Clean-up iti pito a coastal barangay ti ili a Cabugao, Ilocos Sur babaen kadagiti Opisiales ken Kameng ti Sangguniang Kabataan Federation ti ili a  Cabugao, Ilocos Sur  itay nabiit babaen iti panangtarabay kadakuada ni Mr. Kevin S. Somera, Municipal Youth Development Coordinator.

Indauluan ni Mr. Marc Russel Morales, incoming Federated President dagiti agtutubo a nagdalus iti igid ti kabaybayan kas inisiatibada iti sektor dagiti agtutubo. Sakbayna, nakipartisiparda pay iti naaramid a Brigada Eskwela 2018 iti amin a pageskuelaan ti ili a Cabugao, Ilocos Sur sakbay a nagrugi ti klase iti Hunio 2018.

Ti agtultuloy a pannakadalus ken pannakamantener ti igid  ti baybay agraman iti kadilianna ket paset iti programa ti Munisipio iti Clean and Green Program. # (Web In-Action)