2ND DAY TI DISTRIBUSION TI LIBRE A GANAGAN, NABALLIGI

Cabugao, llocos Sur – Iti maikadua nga aldaw ti Distribusion, Hulio 24, 2018, naaramid ti pannakaiwaras ti  Fertilizers kadagiti ID Card Holder a mannalon ti Brgy. Turod; Brgy. Dardarat; Brgy. Salomague; Brgy. Namruangan; Brgy. Daclapan; Brgy. Sabang; Brgy. Sagayaden; ken ti Brgy. Pila, Cabugao, Ilocos Sur  babaen iti programa ti LGU-Cabugao a pannakaited kadagiti mannalon iti libre a ganagan a mausarda ita a panagtatalon ti Wet Season 2018 (Hunio-Nobiembre). Naaramid ti panagwaras ti ganagan kadagiti Barangay Hall ken Covered Court  dagiti nadakamat a barangay

Kasapulan nga ID Card Holder ti  mannalon a makaawat iti sag-dudua a ganagan (1 bag a 16-20-0 ken 1 bag a 46-0-0 kasta metten iti sachets ti Humus Plus).

Dagitoy a  ganagan ket naggapu iti pundona  iti  Local Government Unit ti ili a Cabugao nga idauluan ni Mayor Josh Edward S. Cobangbang.

Nangipaay ti Mensahena  ni Mayor Josh Edward kadagiti mannalon. Binigbigna ti kinatunos dagiti mannalon iti akemda   iti produksion ti pagtaraon para iti sapasap ket kaikarianda iti makomplementaran kadagitoy a pagrebbenganda babaen iti panangtaliaw kadakuada ti Gobierno Lokal.

Nangipaay met ti Mensaheda da  SBM Atty. Randy Baniaga G. Kinaud, Committee Chairman on Agriculture  ken ni ABC President Thaddeus U. Soller ket ininspirarda dagiti mannalon a kabinnadang ti Gobierno Lokal a mangitag-ay  iti kasasaad ti panagbiag ti mayoridad nga umili nga agdepdepende iti pagbiaganda iti agrikultura.

Bimmayabay ken ni Mayor Josh Edward da SBM Danny Q Gazmen; SBM Vicky S. Serna; SBM Dr. Jemaima S. Tan-Yee; SBM Josefina S. Vallejo; SBM Atty. Randy Baniaga G. Kinaud; ABC President Thaddeus U. Soller;  Municipal Agriculturist Robert S. Savella; Municipal Farmers Association Coordinator Nathaniel B. Galamgam   ken ni Mr. Edgar S. Balangatan.

Nakipaset met iti nadakamat nga aktibidad dagiti Opisiales ti Barangay; Farmers Association ken  dagiti  Staff ken Personnel ti Municipal Agriculture Office kadagitoy a nadakamat nga eskediul. 

Nupay kasta, impeksa dagiti immawat a mannalon ken dagiti timmarabay kadakuada nga Opisiales  ti Barangay ken Asosasionda iti panagyamanda iti LGU-Cabugao nga idauluan ni Mayor Josh Edward S. Cobangbang kadaytoy a tulong a naited a naynayonanda a nagpuonanda nga agtalon. # (Web In-Action)