CEREMONIAL DISTRIBUTION PARA ITI “GULAYAN SA PAARALAN PROGRAM” TI ILOCOS SUR, NAANGAY

Cabugao, Ilocos Sur -  Maibilang dagiti pageskuelaan ti ili a Cabugao, Ilocos Sur kadagiti  nakaawat iti seeds, garden tools ken organic  fertilizers  a naited  babaen iti Kapitolio Probinsial ti Ilocos Sur para iti programa ti Gulayan sa Paaralan  idi Hulio 25, 2018.

Naangay ti ceremonial distribution iti  Provincial  Capitol,  Vigan City  ket indauluan ni  Governor  Ryan Luis V.  Singson ti taripnong kasta metten a nagatendar  ti pannakabagi ti DA Region  1  nga isu  ni Dr.  Larina Garcia-Zabala ken ni  DepEd Ilocos Sur  Schools Superintendent Gemma Q. Tacuycuy. 

Indauluan ti dua a dadakkel a pagadalan ti ili a kas iti Cabugao South Central School ken ti Cabugao North Central School dagiti  kakaduada a recipient schools  ditoy nga ili  a nangawat kadagiti naited a pagsayaatan para iti benneg ti Edukasion, segun ken ni Mrs. Estrellita M. Siruno, Principal III ti Cabugao South Central School ti nasao nga ili.  # (Web In-Action)