Cabugao, Ilocos Sur – Naaramid ti pinnirma iti Memorandum of Agreement (MOA) iti nagbaetan ti LGU-Cabugao nga idauluan ni Mayor Josh Edward S. Cobangbang ken dagiti pannakabagi nga Opisiales ti Department of Agrarian Reform (DAR), DOST Ilocos Sur Provincial Office, DTI Ilocos Sur Provincial Office ken iti Arnap Sunrise ARC MPC iti pannakaipatakder iti Rice-Based Product Processing Center para kadagiti agparpartuat iti Rice Cracker ken iti Rice Cookies idiay Barangay Arnap, Cabugao, Ilocos Sur.
Naaramid ti MOA Signing iti Opisina ni Mayor Josh Edward iti Rizal Barangay Hall Building, Barangay Rizal, Cabugao, Ilocos Sur iti bigat ti Hulio 4, 2018 ken inimatangan dagiti kameng dagiti nadakamat nga Ahensia ken Asosasion iti nasao a panagpipinnirma.
Kabayatanna, impeksa ni Mr. Eliseo Tabula, Chairman iti Arnap Sunrise ARC MPC iti nalaus a panagyamanda iti LGU-Cabugao a tumulong kadagiti nadakamat nga Ahensia nga idauluan ti DAR iti pannakaipatakder daytoy a pasdek ti processing center a mangipaay iti pamataudanda iti nayon a masapulanda nga Agrarian Reform Beneficiaries (ARBs) kadaytoy a lugar. # (Web In-Action)
No comments:
Post a Comment