Cabugao, Ilocos Sur – Naaramid ti Blood Screening and Donation babaen iti Boluntario a panangited dagiti agidonar iti dara idi Hulio 12, 2018 (8:00am-2:00pm) idiay Rural Health Unit (RHU) Building, Brgy. Rizal, Cabugao, Ilocos Sur.
Nakipaset iti bloodletting dagiti umili a nagboluntario nga agidonar iti darada manipud kadagiti Barangay ti ili.
Tinawen a gannuat ti Mariano Marcos Memorial Hospital and Medical Center ken ti LGU-Cabugao iti blood extraction manipud kadagiti volunteer donors a maisangrat kadagiti pasiente nga agkasapulan iti dara a mausarda iti panawen ti sakit ken emerhensia ditoy nga ili.
Buklen dagiti nangtarawidwid iti nasao nga aktibidad dagiti Medical Staff ti nasao a Hospital ken dagiti Medical Personnel iti RHU-Cabugao babaen iti partnership ti LGU-Cabugao iti nadakamat a Hospital.
Timmarabay da OIC Municipal Health Officer Dr. Mark-Lawrence T. Tirao ken ni Mrs. Janet A. Sison, Public Health Nurse ti RHU-Cabugao iti nadakamat a bloodletting. # (Web In-Action)
No comments:
Post a Comment