Cabugao, Ilocos Sur – Naangay ti Re-echo ti adal para iti One-day Child Development Training and Workshop kadagiti Child Development Workers (CDWs) idi Hulio 13, 2018 iti Early Childhood Care Development Center (ECCD) Building, Barangay Rizal, Cabugao, Ilocos Sur.
Daytoy a panagmiting ket naaramid gapu ta iyallatiw (re-echo) ni Ms. Tapiceria, CDW ti Barangay Sagayaden dagiti naadalna (pakabuklan ti new curriculum guide ti CDW) para kadagiti padana a CDWs iti ili maipanggep iti sineminarna ta isuna ti nangibagi kadakuada iti paseminar ti DSWD a nakaibaonanna iti bennegda itay nabiit.
Natratar pay dagiti dadduma a pakaseknan dagiti Child Development Workers (CDWs) ken kadagiti ubbing tapno naannayas ti panangtarawidwidda kadagiti ubbing ken pannakidanggayda iti komunidad a pagserbianda.
Timmarabay da MSWD Officer Mrs. Lydia S. Gazmen agraman ni Miss Aida S. Cueto, MSWDO Staff iti nadakamat a one-day training-workshop.
Dagitoy a gannuat ket resulta iti napintas a panagkammayet dagiti Opisiales ti LGU-Cabugao nga idauluan ni Mayor Josh Edward S. Cobangbang ken iti DSWD kasta metten kadagiti nagannak tapno maited iti agtultuloy a napintas a tarabay kadagiti agtan-ay nga ubbing ket mahulma-da a mapangnamnamaan ken na-responsable nga umili. # (Web In-Action)
No comments:
Post a Comment