Cabugao, Ilocos Sur – Kalpasan ti Flag Raising Ceremony ti Pamilia LGU-Cabugao idi Hulio 9, 2018, napadayawan ken naited ti Certificate of Recognition ken ni Ms. Consolacion B. Bringas, Day Care Worker iti Nagsincaoan Day Care Center, Barangay Nagsincaoan, Cabugao, Ilocos Sur maigapu iti nabunga ken napudno a serbisiona a mangisursuro kadagiti ubbing iti unos ti 31 a tawen.
Inawat ni Mrs. Bringas ti nasao a Certificate of Recognition ken ni Mayor Josh Edward S. Cobangbang a binayabay da MSWD Officer Mrs. Lydia S. Gazmen kasta metten da SBM Danny Q. Gazmen; SBM Vicky S. Serna; SBM Atty. Bryan Jett S. Pano; SBM Josefina S. Vallejo ken ni Cabugao SK Federated President Marc Russel Morales.
Daytoy a Pammadayaw ket naggapu iti LGU-Cabugao. # (Web In-Action)
No comments:
Post a Comment