Cabugao, llocos Sur – Naaramid ti maikapat nga aldaw ti pannakaibunong ti libre a ganagan kadagiti mannalon (ID Card Holder) iti nagsasaruno a barangay a kas iti Barangay Cuantacla; Barangay Carusipan; Barangay Cacadiran; Brgy. Catucdaan; Barangay Maradodon; Barangay Sisim ken ti Barangay Nagsincaoan idi Hulio 26, 2018. Naiwaras dagiti Fertilizers kadagiti mannalon kalpasan ti Opening Program a naaramid kadagiti Barangay Hall ken Multipurpose Building kadagiti nadakamat a barangay.
Dagitoy a ganagan ket ited ti Local Government Unit (LGU) ti ili a Cabugao nga idauluan ni Mayor Josh Edward S. Cobangbang.
Nangipaay ti Mensahena da Mayor Josh Edward S. Cobangbang kadagiti mannalon kasta metten ni SBM Atty. Randy Baniaga G. Kinaud, Committee Chairman on Agriculture.
Bimmayabay ken ni Mayor Josh Edward da SBM Danny Q Gazmen; SBM Vicky S. Serna; SBM Josefina S. Vallejo; SBM Atty. Randy Baniaga G. Kinaud; Municipal Agriculturist Robert S. Savella ken ni Mr. Obas Bill Y. Baclig, AT.
Nagsarita ken nagyaman dagiti Kapitanes kadagiti nadakamat a barangay. Dimmanggay met dagiti Opisiales ti Barangay, lumugar ken dagiti Farmers Association iti naangay a taripnong. Timmulong a nagibunong dagiti Staff ti Municipal Agriculture Office.
Nupay kasta, impeksa dagiti immawat a mannalon ken dagiti timmarabay kadakuada nga Opisiales ti Barangay ken Asosasionda iti panagyamanda iti LGU-Cabugao nga idauluan ni Mayor Josh Edward S. Cobangbang kadaytoy a naited a tulong ti Munisipio. # (Web In-Action)
No comments:
Post a Comment