Cabugao, Ilocos Sur – Naangay ti Meeting ti Federated Child Development Workers (CDWs) ti ili a Cabugao, Ilocos Sur itay nabiit iti Early Childhood Care Development Center (ECCD) Building, Barangay Rizal, Cabugao, Ilocos Sur.
Daytoy a panagmiting ket naaramid gapu ta iyallatiw (re-echo) ni Mr. Rudy A. Ilar iti adal kadagiti padana a CDWs iti ili maipanggep iti sineminarna iti Supplemental Feeding Program idiay Baguio City ta isuna ti nangibagi kadakuada iti paseminar ti DSWD.
Natratar pay dagiti dadduma a pakaseknan dagiti Child Development Workers (CDWs) tapno naannayas ti panangtarawidwidda kadagiti ubbing ken pannakidanggayda iti komunidad a pagserbianda.
Dagitoy a gannuat ket resulta iti napintas a panagkammayet dagiti Opisiales ti LGU-Cabugao nga idauluan ni Mayor Josh Edward S. Cobangbang ken iti DSWD kasta metten kadagiti nagannak tapno maited iti agtultuloy a napintas a tarabay kadagiti agtan-ay nga ubbing ket mahulma-da a mapangnamnamaan ken na-responsable nga umili. # (Web In-Action)
No comments:
Post a Comment