Cabugao, Ilocos Sur – Naangay ti Eleksion ti Liga ng mga Barangay iti ili a Cabugao, Ilocos Sur iti Hulio 16, 2018 iti ECCD Building, Barangay Rizal, Cabugao, Ilocos Sur.
Dagiti nabutosan a kabarbaro nga Opisiales ti Liga ng mga Barangay wenno Association of Barangay Captains (ABC) ti ili a Cabugao, Ilocos Sur ket dagiti sumaganad: Punong Barangay Thaddeus U. Soller, Presidente; PB Michael Angelo B. Sarmiento, Vice President; ken ni PB Patricio B. Satumba, Auditor.
Dagiti Board of Directors: PB Arnold V. Yangat; PB Heidee Margarita S. Zabala; PB Jimmy V. Pablico; PB Dencio S. Sonido; PB Ronel S. Zamora; PB Valentin S. Tuyor, Jr.; PB Edgardo Celestino G. Sonido; ken ni PB Robertson R. Gorospe.
Nagpaay a kameng ti Board of Election Supervisors da Ms. Josefa R. Pimentel, COMELEC Election Officer ti ili a Cabugao; Ms. Lourdes A. Azcueta; Mr. Ronel M. Ubaldo ken ni Mr. Armando Azcueta.
Tinarawidwidan ni Mr. Gerald D. Gallardo, Local Government Operations Officer VI ti DILG iti nadakamat nga eleksion.
Kalpasan ti panagbubutos ket naangay iti Oath-taking dagiti kabarbaro a Liga ng mga Barangay Officials babaen iti panamagsapata kadakuada ni Mayor Josh Edward S. Cobangbang.
Inggunamgunam ni Mayor Josh Edward iti mensahena iti panangipaay dagiti nabutosan nga opisiales ti Liga iti naan-anay a kaipapanan ti serbisio para kadagiti kakailian ti Cabugao. “Congratulations for a job well done” kuna ni Mayor Josh Edward.
Pinagyamanan ni Rizal Barangay Captain Thaddeus “Teddy” U. Soller, ABC President iti naited manen kenkuana a talek. Impaganetgetna iti padapada a pannakasagrap kadagiti proyekto ken pagimbagan kadagiti umili ti Cabugao tapno sapasap iti amin a lumung—aw ken agprogreso. # (Web In-Action)
No comments:
Post a Comment