Cabugao, Ilocos Sur – Naaramid ti umuna a First Flag Ceremony iti umuna nga aldaw, Hulio 1, 2019 a panagtugaw ni Mayor Edgardo “Ediboy” S. Cobangbang, Jr. iti panagsublina iti takemna a Mayor ti ili (2019-2022) iti Opisinana iti Office of the Mayor iti pasdek ti baro a Munisipio ti ili a Cabugao.
Nasapa a nagturong ti Municipal Chief Executive ken kakaduana iti Munisipio ket naragsak a nakidanggay kadagiti empleado a nangannong iti umuna a pannakaisa ti bandera.
Kalpasanna, nagmensahe ni Mayor Ediboy ket kimmablaaw ken nagyaman iti pannakimaymaysana kadagiti empleado iti umuna nga aldawna iti Opisina ti Mayor iti panagsublina iti takem nga Ama ti Ili.
Impeksa ni Mayor Ediboy ti ragsakna a makipagtrabaho kadagiti empleado ken iti napintas a pannakataming ken pannakaited nga agtultuloy kadagiti napapateg a serbisio a kasapulan dagiti umili.
Nangipaay met ti mensahe ken kablaaw ken panagyaman ni Vice Mayor Jemaima S. Tan-Yee kasta metten a nagsarita ni COP Ramil A. Llarenas iti pakaseknan ti linak ken talna ti ili.
Naaramid ti grupo-piktorial ni Mayor Ediboy kadagiti dadaulo ti nadumaduma a Departamento/Seksion ti LGU; PNP ken BFP ket nakikaysa met ni ABC President Thaddeus U. Soller.
Bimmayabay ken ni Mayor Ediboy da Vice Mayor Jemaima S. Tan-Yee; SBM Josh Edward S. Cobangbang; SBM Danny Q. Gazmen, SBM Mariedes D. Soller; SBM Jeremy A. Seguban, Jr.; SBM Atty. Randy Baniaga G. Kinaud; SBM Amelia Sunio-Abarquez ken ni SK Federated President Marc Russel Morales. # (Web In-Action)
No comments:
Post a Comment