Cabugao, Ilocos Sur – Kalpasan ti Flag Raising Ceremony idi Hulio 22, 2019, kinablaawan ni Mayor Edgardo “Ediboy” S. Cobangbang, Jr. dagiti katinnarabayna nga Opisiales-Lokal ti Ili; Department/Section Heads dagiti Opisina ti LGU; dagiti kameng ti PNP ken BFP-Cabugao ken dagiti amin a Personnel a mangbukbukel ti Pamilia-LGU Cabugao iti panagrugi ti panagtrabahoda ita a lawas.
Impaganetget ti Ama ti Ili kadagiti padana a Public Servant iti agtultuloy a panangipaayda iti napintas a serbisio kadagiti umili ken iti agtultuloy a panangtamingda kadagiti masanguanan nga aktibidad ken programa a maigannuat.
Naibatad dagiti nainayon a Personnel a kas iti Job Order ken SPES ket ekspektaren ti Ehekutibo a maipatungpalda met dagitoy dagiti annongenda a tumulong iti pannakaidur-as ti napintas a serbisio kadagiti umili.
Maigapu iti Advisory ti Department of Health (DOH) a panagraira ti sakit a dengue, pinusgan ti Ama ti Ili dagiti agtartarabaho ti Munisipio a buklen dagiti Job Orders ken SPES ken tarabayen dagiti Regular Personnel iti pannakairugi ti Oplan Taob kadagiti pageskuelaan ti Munisipalidad tapno makipaset iti Munisipio iti gay-at ken addang a panangtiped iti panagsaknap daytoy a napeggad a pakaigapuan ti sakit. # (Web In-Action)
No comments:
Post a Comment