Cabugao, Ilocos Sur – Kalpasan ti Flag Raising Ceremony iti Hulio 15, 2019, kinablaawan ni Mayor Edgardo “Ediboy” S. Cobangbang, Jr. dagiti katinnarabayna nga Opisiales-Lokal ti Ili; Department/Section Heads dagiti Opisina ti LGU; dagiti kameng ti PNP ken BFP-Cabugao ken dagiti amin a Personnel a mangbukbukel ti Pamilia-LGU Cabugao iti panagrugi ti panagtrabahoda iti aldaw ti Lunes.
Inikkan ni Mayor Ediboy iti pateg ken respeto a maammuan iti sapasap dagiti gapuanan a pakalaglagipan ken ni Municipal Treasurer Lourdes Amian Azcueta a naipadamag a ti Tesorera ket napanen iti nagkaysa a biag.
Kabayatanna, impaganetget ti Ama ti Ili kadagiti padana a Public Servant iti agtultuloy a panangipaayda iti napintas a serbisio kadagiti umili ken iti agtultuloy a panangtamingda kadagiti masanguanan nga aktibidad ken programa a maigannuat. # (Web In-Action)
No comments:
Post a Comment