Cabugao, Ilocos Sur - Agtintinnulong latta ti DA- Philippine Crop Insurance Corporation (PCIC) ken dagiti Staff ti DA-LGU Cabugao nga idauluan ita ni OIC Municipal Agriculturist Nereo S. Daproza nga agirehistro kadagiti mannalon kadagiti barangay ti ili a Cabugao para iti panagtatalon iti Wet Season 2019.
Segun iti Municipal Agriculture Office nga awan ti rimsua a problema iti panangaksion ti PCIC kadagiti pakaseknan dagiti mannalon itay napalabas a panagtatalon ta nabayadan amin a “crop damages” a napabisita ken naipinal babaen iti panagtitinnulong dagiti maseknan a mannalon, Staff ti DA-LGU ken dagiti Adjuster ti PCIC nga adda iti babaen ti Departamento ti Agrikultura (DA).
Kabayatanna, nagun-od ti Opisina iti DA-LGU Cabugao a Top 1 Solicitor iti intero a Probinsia ti Ilocos Sur itay Tawen 2018 babaen iti Registry System for Basic Sector in Agriculture-Subsidized Agricultural Insurance Program (RSBSA-SAIP).
Imbagian ni Ms. Katrine Tapuro, AT ti opisina ti Municipal Agriculture Office ti LGU-Cabugao a nangawat ti Certificate of Recognition a naited iti daytoy nga Opisina ken LGU manipud ken ni OIC Regional Manager Raul A. Servito iti PCIC Regional Office No. 1, Nancayasan Urdaneta City, Pangasinan idi Hunio 13, 2019 sadiay Nueva Segovia Consortium of Cooperatives, Caoayan, Ilocos Sur.
Dagitoy nga aksion ken inisiatiba ket resulta iti nakammayet a programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. ken iti DA-PCIC tapno matulongan ti kasasaad dagiti mannalon a maapektaran iti mulada iti pannakadidigra. # (Web In-Action)
No comments:
Post a Comment