Cabugao, Ilocos Sur – Iti pannakiuman ti Web In-Action, impakaammo dagiti Staff ti Opisina ti Municipal Operations Office (MOO) ti 4 Ps Program, Municipal Link-Cabugao nga itultuloyda nga isaksaknap ti pakabuklan ti programa ti 4 Ps iti pagnaedan dagiti kameng kadagiti barangay ti Munisipalidad ti Cabugao.
Itatta nga Hulio 2019, ti Topiko a maiyadal ket napauluan iti “Strong Relationship with your Partner.” Mairaman iti Learning Service Provider a mangited ti adal ket iti North Luzon Bible Baptist Church.
Kabayatanna, makiko-koordinarda latta kadagiti Opisiales ti Barangay/Parent Leaders a katinnulongda a mangorganisar iti Family Development Session (FDS) para iti Topiko nga imitingda kadagiti 4 Ps para iti dayta a bulan.
Iti manon a bulan a pannakaangay ti Family Development Session (FDS) kadagiti barangay ket nasursuron dagiti Parent-Leaders ti tumakder iti bukodda a panangtarawidwid iti miting ken seminar iti masakupanda.
Ita a bulan ket napagkaykaysaan dagiti kameng ti Pantawid Staff ti Municipal Operations Office ti 4 Ps a maysa a Topiko ti binsaenda kadagiti Family Development Session-da tapno nadardaras a maawatan dagiti klienteda. Nalaklaka pay a maawatan dagiti adalanda a 4 Ps no dagitay kabisadoda/naipanawen a Topiko/Situasion iti maiyad-adal kas parte iti Values Formation iti Programa.
Dagitoy nga aksion ken inisiatiba ket katinnulong iti agtultuloy a panangtarabay kadakuada ti Gobierno Munisipal iti panangidaulo ni Mayor Edgardo “Ediboy” S. Cobangbang iti pannakikammayetna iti Ahensia ti DSWD iti napintas a maaramidan dagiti programa a maisaksaknap kadagiti barangay tapno maragpat iti sapasap a panagrang-ay iti Pamilia ken dagiti umili. # (Web In-Action)
No comments:
Post a Comment