Cabugao, Ilocos Sur – Agtultuloy nga idauluan ti Grupo ti Clean and Green ti Munisipio iti pannakatadaw dagiti nagrangpaya a sanga kadagiti kalsada, pannakadalus dagiti parke, plaza, kalsada-nasional, processional routes, public facilities iti Poblasion, aglawlaw ti baro a Munisipio ken iti NISTC Public.
Inggunamgunam ti MENRO-Cabugao a kakokoordinarda dagiti Opisiales ti Barangay ken bumarangay nangruna iti asideg ti Poblasion nga aramidenda koma iti parteda iti panagdaldalus tapno makomplementaran ti ar-aramiden ti LGU ken dalusanda dagiti mabatoganda a paset dagiti Barangay Roads-da, Provincial Road, Processional Routes ken iti National Highway.
Kabayatanna, imbatad ni MENRO-Designate Edgar S. Balangatan a babaen iti regular a panagmonitor-da ket maar-aramid met iti regular coastal clean-up nga isayangkat dagiti nadumaduma a sektor kadagiti pito a barangay iti igid ti baybay.
Innayon ti MENRO a dagitoy ket mailungalong a kanayon tapno mamantener iti kinadalus ken kinapintas iti mabuybuya iti aglawlaw para iti idudur-as ti Turismo kangrunaan para kadagiti Bakasionista ken Balikbayan nga agtultuloy a bumisita ditoy ili ti Cabugao. # (Web Situational Report)
No comments:
Post a Comment