Cabugao, Ilocos Sur – Kalpasan ti Flag Raising Ceremony iti Abril 17, 2017, kinablaawan ni Mayor Josh Edward S. Cobangbang dagiti katinnarabayna nga Opisiales-Lokal ti Ili; Department/Section Heads dagiti Opisina ti LGU; kameng ti PNP; BFP ken iti amin nga LGU Personnel a nagatendar iti sango ti Flagpole ti Rizal Barangay Hall, Brgy. Rizal, Cabugao, Ilocos Sur.
Dadduma pay a naipakaammo ken naiparang iti aldaw ti Lunes, Abril 17, 2017:
1. Impakaammo ni Mr. Dario Roy Siruno, Tourism and Information Officer iti maipapan iti Cabugao Ragsak Festival 2017 ken iti 8th Cabugao Grand Global Reunion.
2. Naiparang dagiti Kandidato/Kandidata iti 33 a Barangay ti Cabugao iti Mr. & Ms. Teen Cabugao 2017 iti sango ket nakikaysa kadakuada da Mayor Josh Edward S. Cobangbang; SBM Danny Q. Gazmen; SBM Vicky S. Serna ken ni SBM Dr. Jemaima S. Tan-Yee.
3. Naiparang dagiti Estudiante nga agtrabaho ditoy Munisipio maipapan iti Special Program for the Employment of Students (SPES) 2017.
4. Imbinsa ni Ms. Lucille S. Somera ti akem dagiti Empleado ti LGU-Cabugao iti naespirituan a pagrebbenganda kabayatan iti pannakaselebrar ti panagpiesta ni San Markos Ebanghelista, Patron ti Ili, a mangkulminar iti panagpiesta ti ili a Cabugao iti Abril 21-28, 2017.
5. Impakaammo ti Municipal Agriculture Office iti baro a programa ti Philippine Crop Insurance Corporation (PCIC), attached agency ti Department of Agriculture (DA) iti pannaka-insure dagiti mula ken tao mangrugi ita a Tawen 2017. # (Web Situational Report)
No comments:
Post a Comment