Cabugao, Ilocos Sur – Naaramid ti Graduation Ceremony and Recognition Rites ti 19 a pageskuelaan (18 nga Elementaria ken 1 a Primaria) iti Cabugao DepEd District iti Abril 7, 2017 nga indauluan dagiti dadakkel a pageskuelaan ti Elementaria iti Poblasion a kas iti Cabugao South Central School ken iti Cabugao North Central School babaen iti sangsangkamaysa a Tema: “Sabay-sabay na Hakbang Tungo sa Maunlad na Kinabukasan”.
Maibatay iti eskediul a binukel ti Cabugao DepEd District, tallo nga aldaw ti naiyeskediul a pannakaangay ti Graduation/Completion Ceremonies: immuna a naangay ti Closing Exercises idi Abril 5, 2017 idiay Salomague Elementary School; simmaganad dagiti pageskuelaan iti Abril 6, 2017 idiay Turod Elementary School; Maradodon Elementary School; Aragan E/S; Catucdaan E/S; Reppa-ac E/S; ken ti Nagsantaan Primary School.
Kabayatanna, 14 a pageskuelaan ti nag-Graduation Ceremonies iti kabigatan ti Abril 7, 2017.
Kangrunaan a nangited ti Confirmation of Graduates dagiti nagturpos da Public Schools District Supervisor Dr. Consesa T. Rumias, Ed. D. ken ni Mr. Rodel P. Suniega, Principal ti Turod Elementary School kadagitoy a pagadalan a kagiddan ti itutulongda a nangited kadagiti Certificates kadagiti nagturpos ken panagmensahe ti District Supervisor.
Kamalman ti Abril 7, 2017, naituloy ti Closing Exercises iti pagadalan ti Namruangan Elementary School; naggiddan ti oras ti Pila Elementary School ken ti Pug-os Elementary School; ken naudi nga eskediul ti Arnap Elementary School ken ti Caset Primary School iti dayta nga aldaw.
Paset ti Graduation Ceremonies iti Reading of the Message of the DepEd Secretary, Honorable Leonor Magtolis Briones ken ni Mr. Jorge M. Reinante, Division Superintendent ti DepED Ilocos Sur. # (Web In-Action)
No comments:
Post a Comment