PAMMADAYAW TI HRMO-CABUGAO, NAGUN-OD MAIGAPU ITI TRABAHO KEN PANAGSERBISIO

Cabugao, Ilocos Sur – Naaramid dagiti kalkalpas a panagsanay/aktibidad  nga inatendaran ni Miss Teresita Maximina “Mimie” S. Sison kas parte iti pagrebbenganna ken trabahona a Human  Resources Management Officer (HRMO)/PESO and MDO Designate  iti LGU-Cabugao, Ilocos Sur.

Kanaig daytoy ket nakaapit iti singin a Pammadayaw a kas iti sumaganad:

1.Certificate of Recognition nga impaay ti DOLE Region 1 iti PESO-Cabugao, Ilocos Sur babaen ken ni PESO Manager Teresita Maximina S. Sison a kas Best Performing PESO (1st to 2nd Class Municipality) iti implementasion ti DOLE Integrated Livelihoods and Emergency Employment Program (DILEEP), 2017  ken naited ti Pammadayaw idiay Savannah  Hotel Resort, Angeles City, Pampanga kabayatan ti Regional PESO Congress 2018  idi Pebrero 27, 2018.

Nagatendar da 
RD Nathaniel V. Lacambra;
ARD Honorina D. Baga;
ISFO Head Emmanuel H. Hagad;
PESO Ilocos Sur President Teresita Maximina Sison; ken ni 
PESO ISFO Focal Charity A. Ubilas kasta metten dagiti 
PESO Managers of Ilocos Sur.

Ni Hon. Nathaniel V. Lacambra, DOLE Regional Director, ti kangrunaan a nasangaili ken nagiyawat kadagiti Pammadayaw. 

2. Maikadua iti Certificate of Recognition nga impaay ti OWWA-Region 1 iti  MDO-Cabugao, Ilocos Sur babaen ken ni MDO Teresita Maximina S. Sison a naited idiay Sison Auditorium, Lingayen, Pangasinan idi Abril 12, 2018. Ni Hon. Gerardo C. Rimorin, OIC, OIC Director ti kangrunaan a nasangaili ken nagiyawat ti Pammadayaw.

Binigbig ti Overseas Workers Welfare Administration (OWWA)  iti serbisio ken trabaho nga inaramid ti Migrant Desk Officer  ti LGU-Cabugao iti pannakaitandudo ti kasasaad dagiti OFWs ken dagiti Pamiliada.

Ti Public Employment Service Office/Migrant Desk Office ti  LGU-Cabugao  ket nakalukat nga agserbi ken masarakan ti Human Resource Mgt. Office idiay 2nd Floor ti Rizal  Barangay Hall, Barangay Rizal, Cabugao, Ilocos Sur.

Kanaig daytoy, nagyaman ti LGU-Cabugao babaen iti panangidaulo ni  Mayor Josh Edward S. Cobangbang  kadagiti nagun-od  a pammadayaw ti HRMO-Cabugao iti benneg ti PESO-DOLE  ken ti MDO-OFWs-OWWA iti pannakatulong dagiti kakailiantayo babaen iti naipaay a serbisyo kadakuada. #