Cabugao, Ilocos Sur – Maitultuloy ti pannakapasayaat ti Balay-oac Diversion Dam a masarakan iti Sitio Balay-oac, Barangay Pug-os, Cabugao, Ilocos Sur ita a Tawen 2018 babaen iti pannakakongkreto dagiti kanal ti nasao a pangawidan a makaserbisio iti 35 ektaria (Wet Season) a pagtatalonan a suksukayen itan ti 75 ti bilangna a mannalon.
Malaksid iti pagay a maimula no panawen ti Wet Season Crop (Hunio-Nobiembre) ket mamulmulaan pay iti Tabako, Mais, ken agduduma ti klasena a Nateng iti Dry Season (Nobiembre-Mayo).
Daytoy a proyekto ket nagkammayetan nga impatungpal iti Departamento ti Agrikultura (DA) ken iti LGU-Cabugao, Ilocos Sur nga idauluan ni Mayor Josh Edward S. Cobangbang iti agdama.
Immuna a narugian ti Balay-oac Small Water Impounding Irrigation Project, Barangay Pug-os, Cabugao, Ilocos Sur a napatarimaan babaen kadagiti kameng ti Balay-oac Farmers Association nga addaan iti dati a bilang ti 35 a kameng ken 22 nga ektarias a matalon iti Wet Season (March-September).
Kanaig daytoy, sakbay iti amin ket naangay idi ti 3-Day Basic Leadership and Technical Skills Training on Institutional Development for the Operation and Maintenance of SSIP a no sadino a ditoy ket nagatendar dagiti Opisiales ken Miembros ti gimong ti mannalon a makasakup iti Balay-oac Diversion Dam a maipatakder para kadagiti nadakamat a mannalon kabayatan ti Administrasion ni Mayor Edgardo “Ediboy” S. Cobangbang, Jr. iti Tawen 2015.
Dagiti pannakabagi ti Bureau of Soils and Water Management (BSWM) dagiti kangrunaan a naglektiur kadagiti Topiko a naiyadal kadagiti mannalon. # (Web In-Action)
No comments:
Post a Comment