Cabugao, Ilocos Sur – Pakaragsakan ti umili ti Cabugao iti agtultuloy a pannakaidonar ti agas ken ramit a mainaynayon ken masagsagana a mausar para iti serbisio ti salun-at.
Idi Enero 11, 2012, naidonar dagiti sumaganad a klase ti agas babaen iti Department of Health, Regional Office No. 1:
| UNIT | DESCRIPTION | QUANTITY |
| 1 CRTN | Lagundi | 72 |
| 1CRTN | Sambong | 72 |
| Box | Mefenamic Acid 500 mg. | 5 |
| Box | Amoxicillin Cap | 5 |
| Box | Paracetamol Tab. | 5 |
| Box | Cloxacillin Cap. 500 mg. | 5 |
| Box | Salbutamol | 5 |
Iti dayta a petsa, isu met ti panangrugi nga agreport iti Municipal Health Office ni Dr. Lotgarda Tayao, baro a nadesignaran a Rural Health Physician ti MHO. Segun ken ni Dr. Tayao, dagitoy nga agas ket maiserbi kadagiti agsakit iti acute respiratory infection, asthma, urinary tract infection, analgesic ken pain reliever.
Iti sabali a bangir, naidonar ti baro a nebulizer a maiserbi met laeng kadagiti addaan ti an-annayen nga umili a makasapul itoy a ramit. Naggapu daytoy ken ni Dr. Charlie Y. Sonido, pangulo ti Ilocos Surian Medical Mission iti Hawaii, USA nga immay nagserbisio ditoy ili a Cabugao idi Disiembre 21, 2011.
Dagitoy a pagimbagan ti salun-at ket maigapu met laeng iti inisiatiba ken prayoridad a programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. # (Web In-Action)
No comments:
Post a Comment