Cabugao, Ilocos Sur - Makatawenton ti pannakaipasdek ti Cabugao Fitness Gym babaen ti panangbuangay ni Mayor Edgardo “Ediboy” S. Cobangbang, Jr. tapno adda “pagkaabalahan” dagiti agtutubo ket mayadayoda iti madi a bisio ken maipromot ti bodybuilding, maysa a nalatak a pagduyosan iti sangalubongan.
Segun ken ni Mr. Darwin P. Sumibcay, Gym Manager, determinadoda ti panagtultuloy ti panagehersisioda ken mangannurot kadagiti disiplina iti bagi, makan ken panaggunay ta kayatda a maitag-ay daytoy a pagduyosan babaen ti panagballigida kadagiti maiwayat a kompetision iti bodybuilding.
Innayon ti agkabannuag a Gym Manager ken empleado ti Task Force NISTC a makigamuloda ita a piesta ti ili: “2012 Ragsak Cabugao Festival” inton bulan ti Abril 2012 ket isuda ti mangisayangkat iti pannakapili ti “Ginoong Cabugao 2012” a ditoy a pakisalipan dagiti bodybuilders iti intero a pagilian.
“I am very thankful to Mayor Ediboy by providing us the gym equipments. Cabugao is a very beautiful and peaceful town so I like to mingle and stay with people who are very friendly and polite.” Kuna ni Mr. Paul Saninas, Bodybuilding Volunteer Instructor, maysa a Greek-born, half-Ilokano blood a sagibo iti Barangay Refaro, San Juan, Ilocos Sur.
 |
| Ni Mr. Paul Saninas, Body Building Volunteer Instructor |
Iti nasao a pasalip inton Piesta ti Ili , maituyang dagiti pagalagadan nangruna iti “proportional”, panagpada ti bussog ti masel iti ngato ken baba ken “symmetrical”, agpada a bussog ti masel iti agsumbangir a sikigan, segun iti Gym Manager.
Masarakan ti Cabugao Fitness Gym iti nalawa a siled ti likudan ti Cabugao Central Park Stage, Brgy. Bonifacio, Cabugao, Ilocos Sur. Silulukat pay para kadagiti interesado nga adda panawenna ken kabaelanna nga agwatwat. Kaaduan a panangrugida ket manipud 4pm ti malem agpatingga iti sardam. Kontaken laeng ti Gym Manager. #(Web In-Action)
No comments:
Post a Comment