Cabugao, Ilocos Sur - Rinugianen ti serbisio ni Dr. Lotgarda Tayao, M.D., nadesignaran a doktor iti Municipal Rural Health Unit ti ili a Cabugao idi Enero 12, 2012 a no sadino a ditoy ket katinnulong pay dagiti dua pay a Dodoktor ti Medisina (Dr. Mimi Pira Sy, Dr. Ivy N. Castro) nga agagas kadagiti sakit dagiti mapan agparikna nga umili.Maysa kadagiti prayoridad a programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. ket iti agtultuloy a pannakataming ti salun-at dagiti umili tapno mamantener ti kinaregtada nga agtrabaho para iti pagsayaatan iti pamiliada ken maaramidda met ti annongenda kas umili ti Cabugao.
Innayon ti Mayor a nakapatpateg/ nakasapulan unay ti akem ti maysa a doktor a masindadaan nga agamiris ti sakit ti tattao ken madadaan a kaadda ti mausar nga agas nangruna kadagiti di makabael a mangisakad ti busbosenda nga agpaagas.
Ni Dr. Tayao ket taga-Baguio City. Nagturpos ti Pre-Med Course (BS Biology) iti University of the Philippines Baguio (Baguio City) ken iti Medisina iti West Visayas State University, Iloilo City.
Nagpapaay iti nadumaduma a pagagasan sakbay ti umayna panagserbi ti ili a Cabugao. # (Web In-Action)
No comments:
Post a Comment