Friday, January 13, 2012

PENSION DAGITI SENIOR CITIZEN, NAITED

Cabugao, Ilocos  Sur  – Immawat ti umabot iti 150 a bilang ti  Senior Citizens iti kada tallo a bulan (quarterly)  a pensionda nga intuyang ti DSWD-LGU-MSWDO-Office of the Senior Citizen Affairs, Cabugao, Ilocos Sur.
Naregta ken nasapa dagiti lallakay ken babbaket a kaaduanna a kinuyog dagiti appo,  annak, ken kakabagyanda tapno maipasigurado a natalged ti panagdaliasat dagitoy a nataengan iti papanda ken panagawidda.
Immawat ti tunggal recipient iti P1,500  (P500 ti kada bulan). Malaksid itoy, adu pay ti pribilehio nga ituyang ti Republic Act 9257 ket dagiti sumaganad ti pakairanudan ni Apo Senior Citizen:

DAGITOY PAY  TI BENEPISIODA:
  • Free Medical and Dental, Diagnostic & laboratory services in all government facilities.
  • 20% discount on purchase of unbranbded medicines
  • 20% discount in all   goods and services in hotels and similar lodging establishments, restaurants, recreation centers & funeral parlors.
  • 20% discount on dental & medical services, diagnostic and laboratory fees on private hospitals.
  • 20% fare for  domestic air, sea travel and public land transportations.
  • 5% discount of the regular retail price of basic necessities and prime  commodities.
Agduduma a senario ti makita iti panaguray dagiti lallakay ken babbaket ket kaaduanna a ladawan ti makita ket ti narapis ken  nakapsuten a langa, nauneg ti pampanunotenda, naliday-naragsak ken naanus nga aguray ken di-makaan-anus. 


“Napintas ta addan kastoy nga gobyerno  nga agited ti pinsion, Apo. La ket pagyamananmi unay…  A,e, wen, ken ni Apo Mayor Idiboy ta taliawennakami nga bassiten ti gundawaymi nga makiranud,” kuna ti maysa a baket a taga-Barangay Aragan.

“Kadi, Barok, barbareng haan nga mapulsot ken agistrikto unay ti gobyerno kadaytoy apo ta mapaborankami nga sinior sitisens,” imbatad met ti maysa a lakay a dandani di makapagna ngem nasidap pay laeng ti panagkita ken panagdengngegna.


Iti panangawatda ti pensionda, adda nataengan nga agkurkuridemdem, paiwanwan a mapan iti lamisaan ken adda pay sinakruyda a tinulongan   ta dandani di makabael a mapan  maki-amad iti paralista iti lamisaan.

Nakitinnarabay da Mayor Edgardo “Ediboy” S. Cobangbang, Jr., Vice Mayor Danny Q. Gazmen, ken ni  SB Member,  Dr. Carlito S. Pano, Chairman, Committee on  Social Services kabayatan ti pannakaiyawat dagiti pension dagiti nataengan iti babaen kadagiti nagserbi nga empleado ti nadumaduma nga opisina ti LGU iti ruar ken uneg ti Municipal Conference Hall iti Munisipio.

Nagtinnulong met da MSWD Officer Lydia S. Gazmen ken DSWD  Representative Annabel C.  Rosario a nangimpormar kadagiti nataengan maipapan iti dadduma pay nga aramidenda iti masakbayan a panagalada ti pension. # (Web In-Action) 

No comments:

Post a Comment