BARO TI MANGTIMON TI DAR-MARO, CABUGAO

Cabugao, Ilocos Sur  – Nadesignaran ni Mrs. Elizabeth S. Pablico  a kas agaywan a Municipal Agrarian Reform Officer (MARO) ti ili a Cabugao, Ilocos Sur   gapu iti pannakaidestino   ni Engr. Constante Raras, dati a Caretaker ti nasao nga opisina, idiay DAR-Provincial Office.

Saan a lapped ti kinataona a kas babai a mangitultuloy  ti  annongenna  kadagiti pinanawan ti sinukatanna a responsibilidad pakaseknan ti pannakataming ti pakaseknan dagiti umili iti maipapan iti daga. Malaksid iti MARO-Cabugao, agpapaay pay a MARO Officer iti ili a San Juan, Ilocos Sur.
Kangrunaan a tamtamingen ita ti opisinana  ket ti programa ti DAR pakaseknan iti naan-anayen a pannakaitrabaho ti papel ken pannakaited ti titulo (distribution)   dagiti agur-uray a  benepisiario ti Agrarian no la ket matungpalda  dagiti pagrebbenganda nga ituyang ti Ahensia ti DAR.

(center) Ladawan ni Mrs. Elizabeth S. Pablico a kas agaywan a Municipal Agrarian Reform Officer (MARO)

“Naanus, naalumamay ti pannakinamingna iti pakaseknanmi ni Apo MARO. Maibagami  iti usto a riknami ket dikami agaripapa nga agpatulong aglalo kadakami a taga-barangay a sami la makita ti Munisipio no kakastoyen ti apirmarenmi,” kuna ti maysa a kliente ti DAR-MARO iti panaginterbiumi.
Malaksid kadagiti regular a routinaria-da iti opisina, adda dagiti panawen a rummuarda  nangruna kenkuana  a nabiit pay  a rebbengna a maipamiliar kadagiti kliente ken lugar/disso ti daga nga adda pakaseknanna.

“Kaniak, sanguek  amin a pannubok a mainaig iti  trabahok babaen  ti pannakikammayetko iti Gobierno Lokal nga idauluan  ni Sir Mayor Ediboy a  kas katinnulongmi a  mangilungalong iti pannakasagrap dagiti kailian ti kabukbukodan a daga. Status qou ken  kinatalged ti panagbiag ti maaddaan ti uray sangkaagis a daga makuna la ketdi a  kabukbukodam,” inggibus ti DAR-MARO Cabugao Head. # (Web In-Action)