Cabugao, Ilocos Sur – Naregget ita ti partisipasion dagiti livestock traders nga idauluan ni Mr. Marciano Raciles, Presidente a mangmobilisar ti transaksion iti Dayo idi Marso 17, 2012 a kaaldawanna. Pammaneknek ti pito nga Elf a nagparada iti abagatan ti pagdadayoan a nagbunag/agibiahe ti ayup. Impeksa ti maysa a Trader a gimmaget ita dagiti traders iti pannakagatang/pannakalako dagiti mai-Dayo nga ayup. Innayonna a saan nga indibidual laeng ti mabenepisiaran kadaytoy a panagbuelo ti Dayo no di ket iti amin a makipaset iti operasionna ken uray dagiti koridor.
Iti sabali a bangir, kalikaguman pay dagiti traders nga ipromot ti Dayo-Cabugao kadagiti kabangibang a Dayo a pappapananda ken ag-surbeyda iti sabali a lugar a paggatangan ti nalaklaka ngem nakalidad nga ayup a pakasubbotanda ti bannog ken puonanda.
Maragsakan ken agyamyaman dagiti traders ken koridor ta adda latta a tumartarabay dagiti opisiales ti Cabugao Livestock Traders Association ken dagiti Opisiales Lokal iti kada Sabado a kaaldawan ti Dayo ti Cabugao. # (Web In-Action)
No comments:
Post a Comment