Cabugao, Ilocos Sur – Naangay ti Regular Monthly Meeting ti Liga ng mga Barangay Secretaries ti ili a Cabugao, Ilocos Sur iti Municipal Conference Hall idi Marso 2, 2012.
Nagtinnulong da LGO Officer Connie Lazo Quinola ken Liga President Ronie Bringas a nang-preside iti nasao a miting.
Dagiti natratar ken napagnanamingan:
. Maipaganetget ti pannakaisaknap ti annuroten ti pannakaselebrar ti “Fire Prevention Month” iti barangay kas paset ti Barangay Risk Reduction Management Strategies ti lumugar. No mabalin, katulongan ida ti Kapitan ken Konseho a mangi-giya iti kabarangayanda nga agaramid ti pakaammo maipapan iti Fire Safety Measures a mailanad ti Tema ti Fire Prevention Month iti bulan ti Marso.
. Pannakaangay ti Synchronized Barangay Assembly ti barangay iti malas-udan ti bulan ti Marso 2012. Mapatawan ti dusa ti Kapitan ti Barangay a di mangannurot kadaytoy a pammilin ti DILG.
. Pannakaangay ti seminar ti kalintegan ti babbai nga ilungalong ti DILG-MLGO inton Marso 21, 2012 nga atendaran ti RIC President, Brgy. Secretary ken Brgy. Treasurer.
. Katulongan ti Brgy. Secretary iti Konseho ti Barangay iti pannakaiwanwan dagiti lumugar nga agaramid ti compost pit, panagipasdek ti tree park, Clean and Green drive, Info-drive ti anti-dengue, etc.
. Pannakasingir ti P350 a bayadan ti tunggal kameng a maigatang ti unipormeda iti Liga.
. Pannakasingir ti multa dagiti naglangan ti miting: P100 ti bayadan iti tunggal langan.
. Pannakailawlawag ti simrek-rimmuar a kuarta iti pundo babaen ti Tesorero ti Liga.
. Panangistudiar kadagiti kriteria ti kada kategoria iti salip ti LAING TI BARANGAY tapno adaptarenda iti pannakisalipda ken 100 % nga agpartisipar ti kada barangay kadaytoy a tawen. Nalpas ti miting iti alas onse pasado ti bigat. # (Web In-Action)
No comments:
Post a Comment