Monday, March 12, 2012

CABUGAO BIRIT QUEST, AWAN TI NAIKKAT ITI 1ST ELIMINATION

Cabugao, Ilocos Sur – Makapagagar ti maikadua a panagsasalip  dagiti semi-finalists ti Junior ken Senior Category ti Cabugao Birit Quest 2012 idi Marso 10, 2012 (Sabado) a no sadino a  ditoy ket kompleto ti bilang ti  sangapulo a  nagkanta iti Junior Category idinto ta 14 laeng  ti Senior Category.
Agtultuloy daytoy a pakontes a mangray-aw ken mangliwliwa kadagiti umili iti rabii ti Sabado ket umad-adu ti bilang dagiti agbuya ken agdengngeg kadagiti agkakalaing a contestants a naggapu iti sabali nga ili ken probinsia.

Iti dayta a gundaway, nakipaset ti grupo dagiti umili  ti Bayombong, Nueva Vizcaya  a maysa kadagiti itineraria-da iti educational trip ti yaayda ditoy ili ti Cabugao.

Dagiti pakabuklan ti Board of Judges ken Organizers ket dagiti sumaganad: Mr. Bobot Somera, Talents Unlimited/Cabugao Birit Quest Adviser; Miss Helen Fuller, Music Teacher, Finalist of  Battle of the Champion ti  Cabugao Talents Unlimited; Miss Jana Siratranout, TV Host, Composer/Singer;  Mr. Zandro Ventura, Champion, Cabugao Talents Unlimited 2011; ken Ms. Estrella Somera, Music Teacher. 

Idauluan da Mayor Edgardo “Ediboy” S. Cobangbang, Jr. ken ABC President, Brgy. Captain Teddy U. Soller dagiti naayat nga esponsor a mangtartarabay kadaytoy a pasalip. # (Web In-Action)

No comments:

Post a Comment