Monday, February 27, 2017

23rd FOUNDING ANNIVERSARY CELEBRATION TI CNHS, NABALLIGI KEN NARAGSAK!

Cabugao, Ilocos Sur – Naileppas ti selebrasion ti 23rd Founding Anniversary ti Cabugao National High School iti karabiyan ti Pebrero 24, 2017  ket nakulminar ti selebrasion babaen iti pannakaaramid  ti Search for   Mr. & Miss Cabugao National High School 2017  iti School Stage ti  Covered Court,   Cabugao National High School, Brgy. Turod, Cabugao, Ilocos Sur a nagatendaran dagiti agad-adal; mangisursuro; nagannak, bisita  ken lumugar a nagbuya. 

Iti kabigatan ti Pebrero 24, 2017, naangay ti Quiz Show; Dance Craze Competition ken ti Attendance Raffle. Kangrunaan a nangmaris ti selebrasion ket iti pannakaangay ti Search for  Mr. & Miss Cabugao National High School 2017 nga inesponsoran ti Class 1999 iti karabiyanna.

Iti Day 3, Pebrero 25, 2017, naaramid ti Color Fun Run; Zumba ken Get-Together Lunch of the PTA, Alumni, Faculty  and Staff (Isang Pamilya, Isang Handa).

Iti Program Proper ti Search, naaramid ti Production Number dagiti nagsasalip. Naipresentar dagiti nag-Hurado ken naibasa ti Criteria for Judging.

Immuna ti Sports Attire Competition ket dagus a naibaga ti nangatiw iti First Set of Minor Awards kalpasanna.

Kalpasan a naipabuya dagiti nagsasaruno nga Intermission Number, nagsasaganad a naiparang iti Formal Attire Competition; Question and Answer Portion ken naipakaammo iti nangatiw iti Second Set of Minor Awards.

Kalpasan ti panang-Serenade ni Mr. Regie Navarozza kadagiti kandidato/kandidata ket naiyawag dagiti Top Three Candidates.

Naisaruno a naangay ti Mental and Verbal Challenge sakbay a naipakaammo dagiti nangabak ken nagpuestuan dagiti tallo a paris a napili a kandidato/kandidata. Dagiti nangabak ket isuda Mr. Patrick Jose Sudayon ken ni Ms. Geity Pauline R. Menor.

Iti Closing Remarks, pinagyamanan ni Mrs. Felipa B. Asuncion, School Principal II, dagiti nangorganisar kadagiti aktibidad ken programa iti 3-Day Celebration. Pinagyamananna pay dagiti Class Batches nga agtultuloy a mangipapaay iti tulongda ditoy a pagadalan agraman iti amin nga adda akemna iti panagballigi   daytoy nga aktibidad. Pinagyamananna pay dagiti Opisiales Lokal a dakkel ti akemna iti pannakabuangay ken agtultuloy a panagtan-ay ti pagadalan iti CNHS.

Nagpaay nga Emcee da Mr. Dharen-Jake R. Garcia ken ni Ms. Maritess M. Poli. # (Web In-Action)

No comments:

Post a Comment