Cabugao, Ilocos Sur – Impakaammo ti Management ti Green Innovations and Consultancy Services, Inc. (GICSI), kapartner ti Local Government Unit (LGU)-Cabugao nga agtultuloy a mapaglalasin dagiti nakolektada a basura para iti maar-aramid a composting ken maipanda iti disposal area (Dumpsite).
Dagitoy ket pakabuklan ti biodegradable materials (mapagrupsa) a maipan iti Material Recovery Facility (MRF) iti kompania a mapagbalin nga organic fertilizer dagiti makolektada a basura.
Dadduma a namantener ken nagdur-asan a gapuanan ti GICSI a kapartner ti LGU Cabugao iti pannakaisimpa ti basura ket dagiti sumaganad:
1. Agtultuloy a staff development tapno maingato ti kinagaget dagiti kaduada nga agtrabaho iti Ecology Center.
2. Napintas nga operasion ti Central Material Recovery Facility (MRF) a pakaus-usaran ti shredded machine iti basura sakbay a maipan iti composting bins/windrows tapno maparupsa ditoy.
3. Agtultuloy a pannakaipalagip ti panamaglalasin kadagiti mabunag a basura uray manipud iti NISTC Public Market agraman kadagiti pasdek-negosio ken kadagiti service barangays iti agdama.
4. Feedback Mechanism - babaen itoy a panagited ti kapanunotan ket maikkan iti gundaway dagiti Stakeholders (maseknan) iti pannakaammo iti panagoperar ti Solid Waste Management Program ti Munisipio iti agdama.
5.Dadduma pay a pannakaited ti kasapulan iti panagaramid ti organic fertilizer manipud iti DA-LGU.
Malaksid kadagiti barangay a masakupan ti segregated collection wastes iti agdama, mairaman met a maalaan ti basurana iti NISTC Public Market ken dadduma pay a commercial establishment ti ili.
Kabayatanna, manaynayonan ti kompania iti maproduktona nga organic fertilizer. Madama met a maproseso (drying & curing) ti dadduma a bulto ti agrupsa a basura.
Imbatad ti GICSI iti pannakamantener ti disposal area iti residual wastes. Innayon ti kompania a tapno at-atiddog ti pannakausar ti disposal area ket regular koma iti compaction ti earth covering babaen iti pannakausar ti makinaria maminsan ti makalawas.
Dagitoy nga inisiatiba ket paset iti agtultuloy a pannakaipatungpal ti Solid Wastes Management Program ti Munisipio babaen iti partnership ti GICSI ken iti LGU Cabugao agingga iti agdama. # (Web In-Action)
No comments:
Post a Comment