Wednesday, February 15, 2017

VALENTINES’ DAY CELEBRATION TI SACRED HEART OF JESUS EDUCATION INSTITUTE, NAANGAY

Cabugao, Ilocos Sur – Naangay ti pannakaselebrar ti Mr. & Miss Valentine 2017 iti Sacred Heart of Jesus  Education Institute nga idauluan ni Mr. Danilo L.  Castillo (BOT/President)  idi Pebrero 14, 2017 iti Cabugao Central Park (CCP), Brgy. Bonifacio, Cabugao, Ilocos Sur.

Iti Part 1 ti Programa ket naangay ti Motorcade  iti Poblasion ken  dimmanonda idiay Barangay Pug-os sa nagsublida met laeng iti lokasion ti pageskuelaan.

Naaramid ti Coronation Ceremonies iti rabii dayta a petsa a nakapadayawan ti 11 a Prinsipe; 4 nga asmang ti Prinsipe ken Prinsesa nga idauluan ni King Al Rayvir Gorospe 1 ken  Queen Micah Shanneile P. Gazmen 1. 

Indauluan ni Ms. Jacqueline B. Subido, School Registrar ti Invocation ken tinokar ti Hard Rockers Band ti Philippine National Anthem.

Insaad ni Mayor Josh Edward S. Cobangbang ti Korona ni Ari Al Rayvir  a kinapartnerna ni Ms. Rufina Villegas idinto ta kinoronaan met laeng ni Mayor Josh Edward ni Reyna Micah Shanneile a kaduana ni Ms. Estela Socias.

Iti Mensahe ni Mayor Josh Edward,  bininsana ti pateg ken kaipapanan ti Valentines Day a simbolo ti panagasmang dagiti agayan-ayat. Innayonna a kasapulan met nga ipamaysa a pokusan ti pammateg iti Pamilia; Gayyem ken Kabagian agsipud ta isuda ti makaited iti masasao nga “unconditional love” ken agtultuloy a pannakaawat iti kasasaad ti maysa nga indibidual.

Dinayaw ni Mayor Josh Edward dagiti Opisiales; Mangisursuro; PTA Officials;  Agad-adal ken Nagannak iti Sacred Heart iti  naipakitada a panagselebrar iti Aldaw Dagiti Puso.

Naipabuya met dagiti Intermission Number dagiti nadumaduma a Grade Level.

Naited  ti Certificate of Appreciation kadagiti nagannak kadagiti Kandidata.

Iti Words of Gratitude, pinagyamanan ni Ms. Teresita P. Rabang, Principal, iti amin nga adda akemna iti panagballigi ti selebrasion ken iti panangusarda ti pasilidad ti CCP a nangaramidanda ti selebrasion.  # (Web In-Action)

No comments:

Post a Comment