Cabugao, Ilocos Sur – Naangay ti 3rd Tuesday Meeting dagiti Opisiales ken Kameng ti Cabugao Federated Senior Citizen iti Pebrero 21, 2017 ket tinamingda manen iti pagsayaatan dagiti nataengan iti Pebrero 2017. Naaramid ti mitingda iti Senior Citizens’ Center, Brgy. Rizal, Cabugao, Ilocos Sur.
Impakaammo ni Mr. Bonifacio Somera, Presidente a nagatendar dagiti Staff ti MSWDO nga idauluan ni Mrs. Lydia S. Gazmen, MSWD Officer kasta metten ni Mrs. Lucille S. Somera tapno makipagtamingda kadagiti kangrunaan nga agenda a napanda trinatar.
Nakitinnarabay met ni Mr. Remigio Sunico, OSCA Head iti nasao a miting.
Kalpasan ti pannakakanta ti Philippine National Anthem, naisaruno ti Roll Call, President Report, Treasurer Report ken dadduma pay a pakaseknanda.
Nataming pay dagiti Death Aid ken iti igannuatda a Prayer Service kadagiti minatayan a kamengda.
Imbatad ni Mrs. Somera a napintas ti pagdurdur-asan dagiti aktibidad ken pakaseknan dagiti obligasion a maited kadagiti maseknan a kameng partikular iti Saranay. Madagdagus met a maresolbar no adda tumaud a parikut wenno isyu iti uneg ti Asosasion, segun pay iti Katulongan nga Empleado ti LGU kadagiti nataengan. # (Web In-Action)
No comments:
Post a Comment