Cabugao, Ilocos Sur – Iti pannaki-amad ti Web In-Action idi Pebrero 8, 2017, imbatad ni Mr. Edgar S. Balangatan, AT, nga agtultuloy latta ti panang-landscape-da kadagiti pampubliko a disso ken sango ti pasdek ken pasilidad ti LGU-Cabugao tapno makaay-ayo ti buyada ken agtultuloy ti pannakadalusda babaen iti programa ti Clean and Green ken Environmental Management ti Munisipio.
Kangrunaan nga as-asikasuen ti grupoda iti pannaka-landscape ti sango ti Monumento ni Dr. Jose P. Rizal iti abay ti RTC-MCTC Building ken PAO Building; pannakamula ti kayo iti sementado a Plant Boxes iti sango ti Commercial Annex; Food Court ken iti NISTC-Public Market.
Dagitoy nga aksion ken inisiatiba ket gubuay iti napintek a programa ti Environmental Management ti LGU-Cabugao nga idauluan ni Mayor Josh Edward S. Cobangbang tapno mapagtalinaed iti kinadalus ti aglawlaw ken napintas a mabuybuya iti pannakaisaganada iti mapaspasangasangan a panagpiesta ti Ili ti Cabugao ken iti pannakaangay manen iti Global Reunion dagiti Cabugaoenians ditoy iti 2017!. # (Web Situational Report)
No comments:
Post a Comment