Cabugao, Ilocos Sur – Naangay ti pannakai-turnover ti Cassava Machine Compressor ken kapadana nga Equipment kadagiti nag-training a kameng ti Rural Improvement Club (RIC) idi Oktubre 19-21, 2016 a pannakaiyadal dagiti wagas iti pannakaprobitsar ti bagas ti Cassava (Balinghoy) wenno “Kahoy” iti Ilokano kadagiti umili ti Cabugao, Ilocos Sur.
Indauluan ni Mayor Josh Edward S. Cobangbang dagiti Opisiales ti Ili nga isuda SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Josefina S. Vallejo; SBM Atty. Randy B. G. Kinaud; Staff ti DA-LGU nga idauluan ni Municipal Agriculturist Robert S. Savella a binayabay dagiti Opisiales ti RIC-Cabugao a nangallawat kadagiti nasao nga Equipments iti sango ti Cabugao Cultural and Sports Complex, Brgy. Rizal, Cabugao, Ilocos Sur ita a Pebrero 6, 2017.
Sakbay daytoy, naaramid ti 3-Day Seminar iti pasdek ti Senior Citizens’ Center, Brgy. Rizal, Cabugao, Ilocos Sur idi Oktubre 19-21, 2016 a no sadino a ditoy ket nailawlawag iti wagas a panagpatanor ti cassava, naammuan dagiti usar ken by-products a pataudenna ken iti panangnayon iti masapulanda babaen kadaytoy a cash crop.
Nasangaili idi da Ms. Josei J. Valerio, Corn Staff; Ms. Anne Lovelle G. Zabala, Corn Technical Staff; Ms. Filomena Bugaoan, Animal and Animal by-Product Coordinator ken ni Ms. Evelyn Fabello, Agriculturist II, DA-RFO 1.
Naiyadal pay iti maipapan iti Food Safety ken Hand on Demo iti 3-5 a Menu a kas iti Cassava Pulvoron; Cassava Chips; Cassava Cochinta; Nilupak; Cassava Roll ken Buchi.
Paset ti naiyadal ket dagiti sumaganad:
1. Site Selection
2. Land Preparation
3. Fertilizer Application
4. Pest Management
5. Harvesting
6. Cost and Return.
Dagitoy nga aksion ken inisiatiba ket paset iti programa ti Munisipio iti pannakaidur-as ti Sektor-Agrikultura iti benneg ti cash crop iti panangidaulo ni Mayor Josh Edward S. Cobangbang. # (Web In-Action)
No comments:
Post a Comment