Cabugao, Ilocos Sur – Dakkel ti nagdur-asan ti kasasaad ti Merkado Publiko (NISTC) iti nagapuanan ti panagserbisio ti Task Force NISTC a binuangay ni Mayor Edgardo “Ediboy” S. Cobangbang, Jr. idi Agosto 15, 2011 babaen iti bileg ti maysa nga Executive Order.
Ti Task Force NISTC ket nabuangay idi Agosto 15, 2011 ket dagiti sumaganad ti kangrunaan nga inaramidda:
•Mangpasayaat ti serbisio ken iti koleksion ti tiendaan.
•Makipagpanunot/makipagtakuat/agirekomenda kadagiti
nasamay a wagas a mangpasayaat iti dadduma pay nga aspeto ti operasion ken mentenansia ti tiendaan.
•Ti Task Force Chairman ket agituyang ti eskediul ti agob-obra iti tiendaan ken pannakamonitor dagitoy.
Ti nasao a Task Force ket buklen dagiti dati nga empleado ti tiendaan ken baro nga agtrabaho ti LGU Cabugao.
Kangrunaan nga akemda ti mangtingiting ti kasasaad ti tiendaan ket babaen ti aktual a panagamirisda/panagpanunotda ket agirekomendada iti opisina ti Mayor kadagiti takuatda ken epektibo ken mainugot a rekomendasion iti pannakapasayaat pay ti serbisio kadagiti aggatang ken aglaklako ken iti aglawlaw ti tiendaan.
Segun iti kaaduan nga agpalpaliiw a mannakitienda ken intelektual a grupo ti “consumers”, namantener ti kinadalus ti aglawlaw/uneg ti tiendaan.
• Naurnos ti parkingan ken sistematiko ti pannakaiwardas ti trapiko iti sumrekan ken rummuaran iti tiendaan babaen kadagiti nagaget/naalibtak a Traffic Enforcers/Officers (Blue Boys), Security Personnel ken Kapolisan.
• Napintas ti pannaka-sona dagiti pagtagilakuan a pakanam-ayan dagiti aggatang.
“Napasnek ken agpampanunotda kabayatan iti panagtrabahoda iti mabalin pay a mangpasayaat ti kasasaad ti amin a makitientienda ken aglaklako,” kuna ti maysa nga Indibidual a pannakaeskuelana ti tiendaan nga aggatang.
“Kasla limmawa ti aangsanen no sumrekka iti tiendaan ta nagdalusen ken nadaras ti mangala ti pagluganan ta naurnos ti pagparkingan ti lugan,” imbatad met dagiti taga-away a kanayon a makitienda nangruna iti aldaw ti Domingo.
Kanaig daytoy, maipampamaysa ita iti pannakapasayaat pay ti suplay iti danum a mausar iti tiendaan ken pannakaasikaso dagiti rebbengna a matarimaan tapno mamantener ti napintas a pakabuklan ti NISTC Public Market, segun kadagiti Opisiales ti Public Market.
Dagitoy nga aksion ken inisiatiba ket itultuloy nga ipatungpal ni Mayor Josh Edward S. Cobangbang tapno agtultuloy nga agprogreso pay ti imahen iti Tiendaan ti ili. # (Web In-Action)
No comments:
Post a Comment