Cabugao, Ilocos Sur – Sinelebraran dagiti mangisursuro ken agad-adal agraman dagiti nagannak iti Cabugao North Central School iti Pagdiriwang ng Buwan ng Wikang Pambansa babaen iti Tema: “Filipino: Wika ng Karunungan” ket naangay ti programa iti Cabugao Cultural and Sports Complex, Brgy. Rizal, Cabugao, Ilocos Sur idi Agosto 31, 2016.
Narugian ti programa babaen iti panglukat a sarita ni Louise Gabriel Huzon, Pangulo, Samahan ng Inang Wika. Kalpasan ti Intermission Number ti CNCS Choir, nangted ti Mensahe ni Mrs. Estrellita M. Siruno, Principal II ti CNCS. Dinakamat ti Prinsipal iti pateg ti kabukbukodan a pagsasao a mangipakita iti nabaknang a kultura ken tradision ti Pilipino. Dinakamatna ti panangipateg ti pagilian babaen iti maymaysa a pagsasao nga intakder ni Nag-Presidente Manuel L. Quezon, mabigbig nga Ama iti Nailian a Pagsasao a daytoy ti Pilipino.
Kalpasan dagiti intermission number nga impabuya dagiti agad-adal iti Cabugao NCS, nangipaay ti Mensahe ni Mayor Josh Edward S. Cobangbang. Kimmablaaw ken nagyaman ta naregta dagiti amin a nagpartisipar kadaytoy a selebrasion ket maragsakan ti Ama ti Ili ta napipintas dagiti naipabuya ken napunnoda ti mensahe a mangpabaknang iti pakabuklan ti Nailian a Pagsasao. Dinakamatna ti pateg iti panangselebrar ti Nailian a Pagsasao. Panagkaykaysa a mangitunda iti pannakapasayaat ti sektor ti Edukasion iti kangrunaan nga anag ti panagsaritana. Kasta metten a kunana a nabileg a ramit a mangted ti kinasirib kadagiti agad-adal iti panangipromot iti usar ti Nailian a Pagsasao.
Innayon ti Ama ti Ili a nasayaat dagitoy nga aktibidad a pakamulian ti kapampanunotan dagiti naganus ti isipna nga ubbing. Ti nakaysa a panagtitinnulong a pananghulma kadagiti ubbing ket ibungana ti nasayaat a pagbanaganda ken iti napintas a pannakipagilida, segun pay iti Alkalde Munisipal.
Kangrunaan a naitampok kadaytoy a panagselebrar ket dagiti naigannuat a pasalip: Patimpalak sa Pagbigkas ng Tula, Solong Pag-awit ken Pagguhit ng Poster.
Dagiti nangbukel iti panag-Hurado ket da Mrs. Dinia Somera-Azcueta; Mr. Dharen Jake R. Garcia ken ni Mrs. Lorna Salom. Nailawlawag met dagiti pagrukodan para iti salip ken naipakaammo ti maipapan iti Orientasion ti pannakisalip.
Pinagsapata ni Mrs. Estrellita M. Siruno, Principal II ti CNCS dagiti Opisiales ti Samahan ng Inang Wika ditoy a pagadalan. Kalpasan ti intermission number, napadayawan ti nangabak iti Ginoong ken Binibining Wika 2016.
aaramid ti pangserra a programa babaen iti pannakaipakaammo dagiti mangabak nga ubbing iti nadakamat a pasalip.
Pasasalamat ti inakem ni Gng. Liezel C. Sol, Tagapag-ugnay sa Filipino.
Nagpaay nga Emcee da Janica Mendoza; Vincent Malachi Amolong ken ni Raymart Bayona. # (Web In-Action)
No comments:
Post a Comment