Cabugao, Ilocos Sur - Naimbitaran a nagatendar ni Former Mayor Edgardo “Ediboy” S. Cobangbang, Jr. ti Cabugao, Ilocos Sur iti kalleppas a Basic Orientation for Local Chief Executives iti amin a Mamayores ti Region 1 babaen iti The Newly Elected Officials (NEO) Program ti Department of the Interior and Local Government (DILG). Naangay daytoy a panagsanay idiay Hotel Supreme Convention Plaza, Baguio City idi Agosto 31 agingga iti Setiembre 1, 2016.
Maysa kadagiti natudingan a Presentor ni Former Mayor Ediboy iti daytoy a nadakamat a panagtataripnong dagiti Local Chief Executives. Trinatarna ti maipapan iti Leadership and Management.
Maysa pay a panggep daytoy a panagsanay ket tapno maisagana a naimbag ti akem ken iti responsibilidad dagiti kabarbaro a Mamayores para iti panangriendada iti Gobierno Lokal ken iyim-implimentar ti Local Government Academy daytoy a panagsanay.
Maysa pay a panggep ti panagsanay ket tapno mapagbalin dagiti Local Government Units (LGUs) a competitive; episiente ken responsive nga institusion para iti panagdur-as iti lokalidad. # (Web In-Action)
No comments:
Post a Comment