Thursday, September 15, 2016

PANDISTRITONG SELEBRASYON NG ARALING PANLIPUNAN/HEKASI, NAANGAY

Cabugao, Ilocos Sur – Naangay ti Pandistritong Selebrasyon ng Araling Panlipunan/HEKASI ti Cabugao DepEd District  babaen iti Tema: “Kabataang  K to 12, Pagsulong ng Kulturang Pilipino”  ket naaramid ti programa idi Setiembre 14, 2016 iti  Sisim-Alinaay  Elementary School, Barangay Sisim, Cabugao, Ilocos Sur.


Immuna a paset ti programa ti pannakakanta ti  Pambansang Awit ken Cabugao Hymn; sa naisaruno ti Panalangin;  ken Bating Pagtanggap ti Tagamasid Pampurok.

Nangted ti Mensahe ni Mayor Josh Edward S. Cobangbang. Kimmablaaw ken nagyaman iti pannakipulapolna kadagiti mannursuro ken agad-adal. Kinaritna dagiti mannursuro nga agtultuloyda a manghulma kadagiti agad-adal nga ubbing ken iti pananggun-od latta kadagiti pammadayaw ken balligi a pakaidaydayawan ti Cabugao DepED District a pakairamanan metten ti ili a Cabugao.

Nagyaman ti Ama ti Ili ta adda iti kastoy a programa a mangtulong kadagiti ubbing a mangammo iti kaipapanan ti Heograpiya Kasaysayan  Sibika  (HEKASI) a daytoy ket asignatura a mangilawlawag no kasano a timmaud ti maysa a pagilian ken no ania dagiti mapaspasamak ita. Innayonna a kasapulan koma a mataginayon ken mapreserba dagiti tagipatgen a galad ken tradisiontayo ta dagitoy iti tumulong a mangasa ken mangidur-as ti kinataotayo a kas Pilipino.

Insupusopna pay iti agtultuloy a pannakibadang ti Gobierno Lokal iti pannakaidur-as iti aspeto ti Edukasion.  


Pinadayawan ti Ama ti Ili dagiti agad-adal, nagannak  ken mangisursuro iti maipabuya iti programa ken dadduma pay a naitaripnong iti daytoy a programa.

Kalpasan dagiti Intermission Number, naiyam-ammo dagiti ag-Hurado iti Pakontes nga isuda Miss Maria S. Rondon, Principal, Cabugao Institute; Mr. Dario Roy Siruno, Municipal Information and Tourism Officer; Mrs. Marivic R. Siruno, mangisursuro iti Cabugao Institute; Mr. Arnel Sinampaga ti Lipit NHS ken ni Mr. John Rey Vallledor ti San Juan NHS.

Dagiti maaramid a pakontes ket pangkulminar iti programa  ket naaramid ti Paglalahad ng Krayterya ng Patimpalak ken Oryentasyon.

Maikadua  a paset ti programa ti aggiddan a pannakaaramid ti pakontes: Solong Pag-awit – Makabayang Awitin (Grade III-IV) ken ti  Kamalaysayan (Grade V-VI).


Iti maikatlo a paset ti programa ket iti Closing Program a nakaipakaammuan dagiti nangabak ken pannakapadayawda. 

Nagatendar ken nangted ti Mensahena ni Vice Mayor DJ Savellano. 

Nakikaysa pay da G. Rudolf  Anthony Talusig, District AP/HEKASI Coordinator; SBM Atty. Bryan Jett S. Pano; Nagannak;  Mangisursuro; Head Teacher iti nadumaduma a pagadalan iti Cabugao DepED District; Mrs. Melvie S. Sajonia, Principal II, Cabugao SCS; Mrs. Estrellita M. Siruno, Principal II, Cabugao North CS; ken dagiti Opisiales iti Barangay Sisim ken Barangay Alina-ay nga idauluan da Brgy. Captain Ruben Siruno ken ni Barangay Captain Melanio Santella kas panagsaganadda.  # (Web In-Action) 

No comments:

Post a Comment