Cabugao, Ilocos Sur – Naangay ti pay-out wenno pannakaited ti Social Pension iti 680 a Beneficiaries (babbaket ken lallakay) a kameng ti Senior Citizens manipud iti 33 a barangay iti ili a Cabugao ket inawatda ti tallo a bulan a para iti 3rd Quarter 2016 a pensionda manipud iti DSWD Region 1 iti Parish Social Hall, St. Mark the Evangelist, Cabugao, Ilocos Sur idi Setiembre 16, 2016.
P500 ti kada bulan ti naituding nga awaten ti maysa a Beneficiary. Agdagup ti tallo a bulan (Hulio-Agosto-Setiembre 2016) iti inawatda iti tunggal maysa.
Iti pannaki-amad ti Web In-Action, impakaammo ni Mrs. Lydia S. Gazmen, Municipal Social Welfare Development Officer ti LGU-Cabugao nga umabot ti P1,020,000 iti dagup ti gatad a naited kadagiti benepisiario.
Nagatendar iti nasao a pay-out activity da SBM Atty. Bryan Jett S. Pano, Committee Chairman on Social Services; Mrs. Lydia S. Gazmen, Municipal Social Welfare Development Officer; Municipal Treasurer Mrs. Lourdes A. Azcueta; Social Welfare Assistant Leonora G. Reintar ken dagiti napusgan a Personnel ti LGU-Cabugao a tumulong iti nadakamat a pay-out activity.
Nangipaay met ti medikal a serbisio dagiti Medical Personnel iti RHU-Cabugao kadagiti nataengan iti dayta a pay-out activity.
Dagitoy nga aksion ken inisiatiba ket paset ti pro-poor program a nagkammayetan nga ipatungpal ti DSWD ken ti Gobierno Lokal nga idauluan ni Mayor Josh Edward S. Cobangbang. # (Web In-Action)
No comments:
Post a Comment