Cabugao, Ilocos Sur – Nagselebrar ti sapasap nga adda minatayna kadagiti kadakkelan a kamposanto (Kamposanto Katolika ken Kamposanto Aglipayano) idi Nobiembre 1 ken uray iti Nobiembre 2, 2016 babaen iti panagatendarda iti Nasantuan a Misa a naidaton kadagiti minatayda kadagiti Kamposanto babaen iti panangannong dagiti Papadi.
Rinambakan ti Cabugao Catholic Church ti Novena Misa iti Fiesta dagiti Sasantos ken Fiesta ti Natay manipud Oktubre 23 agingga iti Oktubre 31, 2016 babaen ti panangesponsor ti Pito a Cluster a nangsakup iti 33 a barangay ti ili a Cabugao.
Idi Oktubre 31, 2016, naangay ti Misa Kamposanto idiay Barangay Sisim.
Idi Nobiembre 1, 2016 (Martes), naangay ti Nasantuan a Misa 6:30 AM iti mismo a Simbaan ti Romano Katolika; Misa Kamposanto 8:30 AM iti Benneg (Cabaruan) ken ti Misa Kamposanto 3:00 PM (Ruar).
iti Nobiembre 2, 2016 (Miyerkoles) - Nasantuan a Misa 6:30 AM iti mismo a Simbaan ti Romano Katolika; Misa Kamposanto 8:30 AM iti (Nagsincaoan) ken ti Misa Kamposanto 3:00 PM (Uneg).
Kabayatanna, umarngi met laeng ti naaramid iti Kamposanto ti Iglesia Filipina Independiente (IFI).
Kanaig daytoy, nagasikaso ti Kapolisan (Municipal Police Station) babaen iti “Oplan Undas 2016” a nagtarabay ken nagiwardas iti naannayas a trapiko iti batog ti kamposanto (Cabugao Public Cemetery) a sumrekan ken rummuaran ti tao a kaduada dagiti Barangay Tanod (BPATS), MDRRMC-Cabugao Rescue; Security Personnel ti LGU, Medics iti RHU-Cabugao ken ti BFP (Cabugao Fire Station). # (Web Situational Report)
No comments:
Post a Comment