Cabugao, Ilocos Sur – Naileppas ti tallo nga aldaw a panagsanay dagiti Trainees a naggapu iti nadumaduma a barangay iti ili a Cabugao, Ilocos Sur a nangrugi idi Nobiembre 8, 2016 ken nagpatingga idi Nobiembre 10, 2016. Naangay iti umuna nga aldaw ti panagsanayda iti Cabugao Cultural and Sports Complex, Brgy. Rizal, Cabugao, Ilocos Sur.
Umabot ti 20 a Trainees iti naiprograma a nagpartisipar kadaytoy a kurso nga inggannuat ti Sustainable Livelihood Program (SLP) ti DSWD-RFO 1, San Fernando City, La Union ken iti LGU-Cabugao nga idauluan ni Mayor Josh Edward S. Cobangbang para kadagiti makasapul ti panggedanda a marigrigat nga umili kadagiti Barangay ti ili.
Nagtitinnulong dagiti pannakabagi ti LGU-Cabugao a nangipatungpal iti panagsanay nga isuda MSWD Officer Mrs. Lydia S. Gazmen; Mrs. Wilma S. Cruz, Focal Person ti SLP Cabugao; Miss Aida S. Cueto ken ni Mr. Dennis P. Aguimbag, SLP-PDO ti SLP-DSWD.
Dagitoy nga aksion ken inisiatiba ket paset iti pro-poor program ti LGU-Cabugao nga idauluan ni Mayor Josh Edward S. Cobangbang para kadagiti makabael nga agtrabaho kadagitoy a paggedan.
Naikeddeng nga awatenda dagiti maited nga starter kits-da inton Nobiembre 17, 2016 ditoy Munisipio. # (Web In-Action)
No comments:
Post a Comment