Cabugao, Ilocos Sur – Naangay ti Monthly Regular Meeting ti Liga ng mga Barangay-Cabugao, Ilocos Sur nga idauluan ni Mr. Marcial Pula, Presidente ken agdama a Brgy. Secretary ti Brgy. Carusipan, Cabugao, Ilocos Sur.
Tinarabay ni Ms. Constancia “Connie” L. Quinola, MLGO Officer ti LGU-Cabugao dagiti Sekretario ti Barangay a nagmiting idiay MILGO Office idi Nobiembre 4, 2016.
Dagiti natratar ken napagnanamingan:
1. Napagkaykaysaan iti panagisubmiter iti listaan dagiti naapektaran a kabarangayanda iti napalabas nga idadaliasat ti Supertyphoon Lawin.
2. Inulit nga imbinsabinsa ni MDRRMC Officer Engr. Nestor B. Somera ti akem dagiti Opisiales ti Barangay partikular iti BDRRMC no sumungad, madama ken ilalabas ti kalamidad.
3. Naidatag pay dagiti dadduma a pakaseknan dagiti Appointive Barangay Officials ket naballigi a natratar ken nasolusionan dagiti kalikagumda. # (Web In-Action)
No comments:
Post a Comment