Wednesday, November 9, 2016

FAMILY DEVELOPMENT SESSION (FDS) ITI 4 Ps, AGTULTULOY A MAARAMID

Cabugao, Ilocos Sur – Iti pannakisarita ti Web In-Action  kadagiti Staff ti Pantawid Pamilyang Pilipino Program (4 Ps) ti DSWD- Cabugao Municipal Link Office  ket nakunada  nga agtultuloy ti pannakaangay ti  Family Development Session (FDS) tapno ad-adda pay a maadalan dagiti kameng ti (4 Ps)  iti 33 a barangay ti ili ita a Tawen 2016.

Ti Topiko a mawarwarwar  kadagiti 4 Ps Members ita a bulan ti Nobiembre 2016 ket iti  “Gabay at Mapa Para sa Listong Pamilya Pilipino.”

Segun ken ni Miss Aida S. Cueto, Municipal Focal Person ti 4 Ps a kasapulan a maawatan a nasayaat  dagiti kamkameng ti 4 Ps iti husto a kaipapanan  ti programa kabayatan iti 5 a tawen a pannakaipatungpalna.

Buklen dagiti Learning Provider nga agleklektiur ket dagiti  Ahensia ti DILG, MDRRMC babaen ken ni MDRRMC Officer Engr. Nestor B. Somera; 4 Ps Municipal Link-Cabugao Staff  ken ti Social Welfare Assistant. 

Daytoy nga inisiatiba ket agtultuloy a mangpasayaat ti kasasaad dagiti maseknan a kaamaan (Beneficiaries) babaen iti pannakaiyasideg kadakuada dagiti mainugot a serbisio  ti Social Services babaen iti agtultuloy a  panangtarabay ti Gobierno Munisipal nga idauluan ni Mayor Josh Edward S. Cobangbang. # (Web In-Action)

No comments:

Post a Comment