Friday, March 10, 2017

2nd TUESDAY MEETING TI SENIOR CITIZEN, NAANGAY

Cabugao, Ilocos Sur – Nagmiting dagiti Opisiales ken Kameng ti Cabugao Federated Senior Citizens idi Marso 7, 2017 ket naaramid ti mitingda (1st  Tuesday/Month)  iti Senior Citizen’s Center, Brgy. Rizal, Cabugao, Ilocos Sur.

Impakaammo ni Mr. Bonifacio Somera, Presidente a nagatendar da  Mr. Remigio Sunico, OSCA Head iti nasao a miting kasta metten  ni Mrs. Lucila S. Somera,  Focal Person ken pannakabagi ti LGU-Cabugao kadagiti nataengan.

Innayon ni Mr. Somera nga intultuloyda a  trinatar  iti maipapan ti napintas a koleksion ti Saranay-da;  pannkaited ti Death Aid; Prayer Service; Updating ti kameng ti Senior Citizens iti kada barangay ken iti Regular Monthly Accomplishment Report ti Pederasion. 

Naipakaammo dagiti agkasangay iti bulan ti Marso 2017 ket sangsangkamaysada a nangkablaaw ken nangkanta kadakuada iti Birthday Song.

Naipakaammo met iti listaan dagiti napanen iti nagkaysa a biag a kameng manipud iti bulan ti Agosto 2016 agingga iti bulan ti Enero 2017 nga aganayda iti 30 a bilang.

Insupusop ni Mr. Somera a tamingendanto  ti partisipasionda a nataengan iti selebrasion ti panagpiesta ti ili inton agmitingda iti Marso 21, 2017 (3rd Tuesday).   # (Web In-Action)

No comments:

Post a Comment